Kune nurung njului tapin
e katepen lanai kumesah ;
takal das baao nge ulin
tetap ermata erpengidah,
Kune takal i teruh bara
kuduk meruhak bagi nitaka ;
tungkuk ibaba ngkerin
keri bauna baban ku tiga.
Jumat, 20 Agustus 2010
HEMAT MELUMBAR
Lunggum buena jelma
dungkenca rani
mengayak ngerancang kerja
ngkeriken ulih encari
Hemat untung pencarin
melumbar ka pepalem geluh
ndarami orat terulin
erpemeteh nerangi pusuh
Hemat la jadi ceti
Melumbar la bage terpagi
INGET
Embun mekapal erjine-jine
Megiken pincala sorana medede
Ngidah mesera geluh sinasa
Tertindih medate la ngasup keke
Lepak perdalan kalak si ndube
Nadingken pemeteh nge kepe;
reh Bagesna pemeteh jelma
Ingetna tinading jelma perlebe
KIDARAM
Si ngerana lo kam tondena
Si nandesa lo cakapkenna
Kuja nari inganku ndia
Buen jababna ku papakna
Isungkun ja rumahndu
Ise pe la nuduhkenca
Reh kam bage bas niPiku
Lupa aku tarun ngingetsa
LA RULIH
Gambo-gambo sinampung-nampung
celnem-celnem sintakken nurung
Moran mbengkung mempetsa sintak
Kawil peltep nurungna melpung
MEHERGA KATA
Rumah pengkih rumah pengulun
Pasuk, bolong turin sembuyak
Rumah tengah e pe tegun
Tegun pengulun irumah mbayak
Galuh si telu meherga kata
Teruh beringen i kuta Suka
La ngagahken ipen entelap
Kata runggu cikepen ersada
IBAS TUTUR SI WALUH
Purri ukur la mesunah
Sada iman lain pengidah
Erturang-senina lenga bo serta
Lit denga impal nina turangku
Mami mama ras bibi bengkila
Langganan:
Postingan (Atom)
Postingan
